პოზიცია
არქივის კალენდარი
« მარტი 2017 »
ორ სა ოთ ხუ პა შა კვ
   1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
  
გამოსვლები

ნინო ბურჯანაძის გამოსვლა „სახალხო კრების“ თბილისის შეკრებაზე

15.03.2011, კალათბურთის სასახლე

მოგესალმებით, პატივცემულო საზოგადოებავ!

მოგესალმებით, ძვირფასო ახალგაზრდებო!

ახალგაზრდებო, ძალა ხალხშია, ძალა თქვენშია! ჩვენ თქვენთვის გვინდა ეს ქვეყანა. ჩვენ გვინდა, რომ თქვენ ღირსეულ ქვეყანაში ცხოვრობდეთ; მიხარია, რომ დღეს აქ ხართ ახალგაზრდები, რომელთათვისაც სულ ერთი არ არის როგორ საქართველოში იცხოვრებთ; დღეს თქვენი აქ ყოფნა  ნიშნავს იმას, რომ თქვენ გინდათ ერთიან, ძლიერ, დემოკრატიულ, ღირსეულ საქართველოში იცხოვროთ და თქვენ აუცილებლად იცხოვრებთ ასეთ საქართველოში.

 

ნინო ბურჯანაძის გამოსვლა „სახალხო კრების“ თბილისის რაიონული კომიტეტების დაფუძნებაზე

ქ.თბილისი, 20.01.11

მოგესალმებით!
ვფიქრობ, ზედმეტია დღეს აქ შეკრებილ საზოგადოებას  ვესაუბრო იმ ვითარებაზე, რა ვითარებაც დღეს ქვეყანაშია შექმნილი, რადგან თითოეულმა თქვენგანმა  ეს ძალიან კარგად იცით და სწორედ ამან მოგიყვანათ აქ. თუმცა, თითოეულმა ჩვენგანმა უნდა ვუთხრათ სრულიად საქართველოს, რომ თუ დღევანდელი ხელისუფლება კიდევ დიდხანს დარჩება ქვეყნის სათავეში, ჩვენს ქვეყანას პერსპექტივა ძალიან დიდი ხნით აღარ ექნება. და არა მარტო ჩვენი თაობა, აღარაფერს ვამბობ ჩვენი მშობლების თაობაზე, არამედ ჩვენი შვილების თაობაც კი, ვეღარ იცხოვრებს ნორმალურ სახელმწიფოში.  ჩვენ არა გვაქვს უფლება ჩვენი გასაკეთებელი საქმე ჩვენს შვილებსა და შვილიშვილებს დავუტოვოთ.

 

ნინო ბურჯანაძის გამოსვლა „სახალხო წარმომადგენლობით კრებაზე“

25.11.10, თბილისი, რუსთაველის გამზირი

მოგესალმებით, გამბედავო ადამიანებო!
მოგესალმებით, და მინდა იცოდეთ, რომ ჩვენი ბრძოლა აუცილებლად გამარჯვებით დამთავრდება. ჩვენ ბოლომდე ვიდგებით ერთად მანამ, სანამ ამ ხელისუფლების შეცვლას არ მივაღწევთ. დღევანდელმა ხელისუფლებამ ყველაფერი გააკეთა იმისათვის, რომ არ ჩატარებულიყო „სახალხო წარმომადგენლობითი კრება“, რადგან მას კრების ძალიან ეშინია. ხელისუფლებას არ ეშინოდა მიტინგის, მაგრამ ეშინოდა სახალხო კრების, სწორედ ამიტომ არ მოგვცა საშუალება კრება დახურულ შენობაში ჩაგვეტარებინა.

 

ნინო ბურჯანაძის გამოსვლა „სახალხო წარმომადგენლობითი კრების“ სამეგრელო ზემო-სვანეთის რეგიონალურ შეკრებაზე

ზუგდიდი, 10.11.10
მოგესალმებით, ძვირფასო ქალბატონებო და ბატონებო, მოგესალმებით, სამეგრელოს და ზემო-სვანეთის წარმომადგენლებო, ჩვენი ქვეყნის ღირსეულო შვილებო!

ჩემთვის და თითოეული თქვენგანისთვის ძალიან მტკივნეულია, რომ დღეს ამ დარბაზში ყველაზე მეტს საუბრობდნენ იმაზე, რომ ღირსება შეგვილახეს, რომ ღირსება უნდა აღვიდგინოთ,  რომ ღირსებისთვის უნდა ვიბრძოლოთ. საქართველოში, მის თითოეულ კუთხეში, ღირსების ფასი ოდითგანვე იცოდა ქართველმა კაცმა და ქალმა. 

 

ნინო ბურჯანაძის გამოსვლა „სახალხო წარმომადგენლობითი კრების" შიდა ქართლის რეგიონალურ კონფერენციაზე

გორი, 02.11.10

მოგესალმებით ყველას!
უპირველესად, უღრმესი მადლობა მინდა გადაგიხადოთ მოთმინებისთვის, გამძლეობისთვის, ვაჟკაცობისთვის, სითბოსთვის და იმ მიმტევებლობისთვის, რომელიც გაქვთ და რომელიც აუცილებელია, თუმცა, როცა საქმე  ქვეყნის ყოფნა-არყოფნას, ქვეყნის გადარჩენას ეხება, მიმტევებლები ვეღარ ვიქნებით.

 

ნინო ბურჯანაძის გამოსვლა „სახალხო წარმომადგენლობითი კრების“ იმერეთის რეგიონალურ კონფერენციაზე

ქუთაისი, 26.10.10

მოგესალმებით ძვირფასო ქუთაისლებო, ძვირფასო იმერლებო!

ბევრ ტრიბუნასთან ვმდგარვარ, მაგრამ, ვიცი დამიჯერებთ, ყველაზე მეტად მაშინ ვღელავ, როდესაც ვარ ამ სცენაზე, სადაც ჯერ კიდევ პატარა ვიდექი და მოგმართავთ თქვენ, იმ ადამიანებს, ვისთანაც  განსაკუთრებული სითბო და სიყვარული მაკავშირებას.

 

ნინო ბურჯანაძის გამოსვლა „სახალხო წარმომადგენლობითი კრების“ მცხეთა-მთიანეთის რეგიონალურ კონფერენციაზე

მცხეთა, 22.10.10

მოგესალმებით ყველას!
დღეს დარბაზში შეკრებილმა საზოგადოებამ არაერთ გამომსვლელს მოვუსმინეთ. მათ შორის იყო ადამიანი, რომელმაც პირადპირ თქვა, - ერთი რიგითი გლეხი ვარო, თუმცა ქვეყანაში შექმნილ მდგომარეობას და მოსალოდნელ საფრთხეებს უკეთესი შეფასება და ანალიზი გაუკეთა, ვიდრე ამას დღევანდელი ხელისუფლება აკეთებს.  ჩვენ ძლიერი და გონიერი ხალხი ვართ; ჩვენში არის ის ძალა, რომელსაც ვერავინ ჩაკლავს  - ვერც შინაური ბრიყვი და ვერც გარეშე მტერი. მაგრამ ის ფაქტი, რომ რეალურად არსებულ საფრთხეებს ქვეყნის ხელისუფლება არაფრად  აგდებს, სერიოზულ პრობლემებს გვიქმნის როგორც თითოეულ ჩვენგანს, ასევე მომავალ თაობებს. დიდი გათვლა არ სჭირდება იმას, რომ წინასწარ წაგებული ბრძოლა არ დაიწყო იმასთან, ვინც იცი, აუცილებლად დაგამარცხებს და ყველაფერი გააკეთო იმისთვის, რომ შენი ქვეყნის ინტერესები დაიცვა.

 

ნინო ბურჯანაძის გამოსვლა „სახალხო წარმომადგენლობითი კრების“ აჭარის რეგიონალურ კონფერენციაზე

ქ.ბათუმი, 20.10.10.

მოგესალმებით, ქალბატონებო და ბატონებო, მოგესალმებით, ძვირფასო აჭარლებო!

ჩემთვის აჭარის მოსახლეობის წინაშე გამოსვლა ყოველთვის ძალიან დიდ ემოციასთან არის დაკავშირებული, რადგან კარგად მახსოვს რამდენი ტკივილი და გაჭირვება, რამდენი უსამართლობა გადაიტანა ბევრმა თქვენგანმა. კარგად მახსოვს, როგორი უსამართლო იყო გარემო აჭარაში და როგორი იმედის თვალით გვიყურებდა ჩვენ, ახალ ხელისუფლებას აჭარის მოსახლეობა. მერწმუნეთ, თუ ვინმესთვისაა მტკივნეული ის, რომ დღეს აჭარაში ამდენი პრობლემაა, ერთ-ერთი უპირველესთაგანი ნამდვილად მე ვარ.

 

ნინო ბურჯანაძის გამოსვლა „წარმომადგენლობითი სახალხო კრებისა“ და „დემოკრატიული მოძრაობის“ ინიციატივით გამართულ კონფერენციაზე „2008 წლის ომის შედეგები და კონფლიქტის მოგვარების გზები“

09.08.2010, სასტუმრო „ვერე პალასი"

არსებული ხელისუფლების პირობებში ქვეყნის განვითარების არათუ შანსი, არამედ პერსპექტივაც არ არსებობს. ხელისუფლება ცდილობს ხალხი ბანგით დაათროს, ფეიერვერკებით გაართოს და დაავიწყოს ის ტრაგიკული ვითარება, რაც ქვეყანაში რეალურად არსებობს.

 

ნინო ბურჯანაძის გამოსვლა 7 ნოემბერს სასტუმრო „რედისონში” გამართულ შეხვედრაზე

უპირველეს ყოვლისა მადლობა მინდა გადავუხადო სალომე ზურაბიშვილს, რადგან მისმა ინიციატივამ საშუალება მოგვცა ქართული საზოგადოების, პოლიტიკური პარტიების, დიპლომატიური კორპუსის და არასამთავარობო ორგანიზაციების წარმომადგენლებთან ერთად  ვიმსჯელოთ საკითხზე, თუ რატომ ვთვლით ჩვენ, პოლიტიკური პარტიების მნიშვნელოვანი ნაწილი, რომ ბრძოლა საქართველოს ხელისუფლების შეცვლისათვის უნდა გაგრძელდეს. ჩვენ მოვისმენთ ძალიან ბევრ არგუმენტს იმის დასამტკიცებლად, რომ ნებისმიერ ნორმალურ, ცივილიზებულ და მეტ-ნაკლებად დემოკრატიულ სახელმწიფოში, არსებულ ვითარებაში დადგებოდა ქვეყნის უმაღლესი პირის მინიმუმ პოლიტიკური პასუხიმგებლობის საკითხი.

 
არხის ვებ მისამართი არ მითითებულა.

კვირის ვიდეო









ს სადამკვირვებლო მისიის ხელმძღვანელს შეხ