დაიბადა 1979 წელს, ქ. თბილისში
საერთაშორისო ურთიერთობების მაგისტრი
თბილისის ივანე ჯავახიშვილის სახელობის სახელმწიფო უნივერსიტეტის საერთაშორისო სამართლისა და საერთაშორისო ურთიერთობების ფაკულტეტის და შემდგომ ამავე უნივერსიტეტის საერთაშორისო ურთიერთობების მაგისტრატურის სრული კურსის დამთავრების შემდეგ, სწავლა გააგრძელა ქ.მადრიდის “კომპლუტენსეს” სახელმწიფო უნივერსიტეტში, სადაც საერთაშორისო ურთიერთობებისა და კომუნიკაციების ფაკულტეტზე მაგისტრატურის ორწლიანი სრული კურსი გაიარა.
მადრიდში სწავლის პარალელურად, ბაკურ მგელიაშვილი მუშაობდა ჟურნალ “Hello Diplomatic” – ში, სადაც იბეჭდებოდა მისი სტატიები მსოფლიოს სხვადასხა პოლიტიკურ-ეკონომიკურ მოვლენებზე.
საქართველოში დაბრუნების შემდეგ ბაკურ მგელიაშვილი საქართველოს კონტროლის პალატის საერთაშორისო ურთიერთობების სამსახურის უფროსია.
გავლილი აქვს სტაჟირება დიდი ბრიტანეთისა და აშშ-ს უმაღლეს მაკონტროლებელ ორგანოებში, არის ამერიკის შეერთებული შტატების სამთავრობო აუდიტორთა ასოციაციის საპატიო წევრი.
