დაიბადა 1962 წელს, ქ. მოსკოვში
ესპანური და ინგლისური ენების მთარგმნელ-რეფერენტი
1978 წელს მანანა სალუქვაძემ დაამთავრა მოსკოვის მორის ტორეზის სახელობის უცხო ენათა სახელმწიფო ინსტიტუტის მთარგმნელობითი ფაკულტეტი და მიენიჭა ესპანური და ინგლისური ენების მთარგმნელ-რეფერენტის დიპლომი.
1981-1982 წლებში სწავლობდა ჰავანის სახელმწიფო უნივერსიტეტის ესპანური ენისა და ლიტერატურის ფაკულტეტზე.
2003 წელს მანანა სალუქვაძემ თბილისის ივანე ჯავახიშვილის სახელობის სახელმწიფო უნივერსიტეტის ეკონომიკისა და მენეჯმენტის ფაკულტეტიც დაამთავრა და მაგისტრის დიპლომი მიიღო.
1983 წლიდან, სხვადასხვა პერიოდში მანანა სალუქვაძე მუშაობდა თბილისის ი.ჭავჭავაძის უცხო ენათა სახელმწიფო ინსტიტუტში ესპანური ენის ლექტორად, ქართულ-ესპანური ერთობლივი კორპორაცია "ლია”-ს საერთაშორისო ურთიერთობათა დეპარტამენტის უფროსად, ესპანეთში, ქ.მადრიდში იყო სამეცნიერო კვლევების უმაღლესი საბჭოს მკვლევარი, ჰავაის უნივერსიტეტის თბილისის ფილიალის ესპანური ენის ლექტორი, თბილისის ივანე ჯავახიშვილის სახელმწიფო უნივერსიტეტის ჟურნალისტიკის, საერთაშორისო სამართლისა და ურთიერთობების ფაკულტეტის ესპანური ენის ლექტორი.
1997 წლიდან მანანა სალუქვაძე გაერთიანბული ერების განვითარების პროგრამის პროექტების აღმასრულებელი კოორდინატორია.
მანანა სალუქვაძე თანაავტორია 100-მდე მეთოდური და პრაქტიკული სახელმძღვანელოსი, ლექსიკონისა და სხვა სახის საინფორმაციო გამოცემების, რომლებიც მოიცავენ ისეთ სფეროებს, როგორებიცაა სახელმწიფო მართვა, უწყებათაშორისი ურთიერთობები, ინფორმაციული უზრუნველყოფა, პერსონალის მართვა, საზოგადოებივი ურთიერთობები, აუდიტი და კონტროლი.
