დაიბადა 1958 წელს
ექიმი, მედიცინის დოქტორი
1981 წელს თბილისის სახელმწიფო სამედიცინო უნივერსიტეტის დამთავრების შემდეგ, თამარ ცინცაბაძემ გაიარა კლინიკური ორდინატურა ალერგოლოგიაში. მინიჭებული აქვს მედიცინის მეცნიერებათა კანდიდატის სამეცნიერო ხარისხი.
1985 წლიდან, სხვადასხვა პერიოდში, თამარ ცინცაბაძე მუშაობდა რესპუბლიკურ ცენტრალურ კლინიკურ საავადმყოფოში, ჯანდაცვის ეკონომიკისა და მართვის სამეცნიერო-კვლევით ლაბორატორიაში, სამედიცინო დახმარების ხარისხის რესპუბლიკურ ინსპექციაში დირექტორის მოადგილედ, სამედიცინო დაზღვევის სახელმწიფო კომპანიაში განყოფილების ხელმძღვანელად, საქართველოს სოციალური დაზღვევის ერთიან სახელმწიფო ფონდში დეპარტამენტის უფროსად, ჯანმრთელობისა და სოციალური პროგრამების სააგენტოს მთავარ მრჩევლად.
თამარ ცინცაბაძე 9 სამეცნიერო პუბლკაციისა და რამდენიმე მიზნობრივი კვლევის ავტორია.
გავლილი აქვს სპეციალიზებული სასწავლო კურსები დიდი ბრიტანეთში, ამერიკასა და ნიდერლანდებში, სადაც მოსმენილი აქვს სასწავლო პროგრამები "ჯანდაცვის დაფინანსება”, "ჯანდაცვის ეკონომიკა და მართვა”, "სოციალური პოლიტიკის მართვა”, "ხარისხის უზრუნველყოფის სისტემა სამედიცინო მომსახურებაში”.
თამარ ცინცაბაძე ათამდე საერთაშორისო კონფერენციისა და ფორუმის მონაწილე-მომხსენებელია. 2005 წლიდან იგი ჯანდაცვის ეკონომისტთა საერთაშორისო ასოციაციის წევრია.
