დაიბადა 1960 წელს
ექიმი, სამართალმცოდნე, მედიცინის მეცნიერებათა დოქტორი
1984 წელს ზაზა სოფრომაძემ დაამთავრა ქ.თბილისის სახელმწიფო სამედიცინო უნივერსიტეტი სამკურნალო საქმის სპეციალობით. მოგვიანებით ახალგაზრდობის საერთაშორისო ინსტიტუტში განაგრძო სწავლა და სამართალმცოდნის პროფესიას დაეუფლა.
მინიჭებული აქვს მედიცინის მეცნიერებათა კანდიდატის ხარისხი.
სხვადასხვა პერიოდში ზაზა სოფრომაძე მუშაობდა საქართველოს კურორტოლოგიის ს/კ ინსტიტუტის წყალტუბოს ფუნქციური დიაგნოსტიკის კაბინეტის გამგედ, სანატორიუმ თბილისის” მთ.ექიმის მოადგილედ, სანატორიუმ “სამგურალის” მთ. ექიმად. 2004 წლიდან ზაზა სოფრომაძე სოციალური უზრუნველყოფის სახელმწიფო ფონდის სამეთვალყურეო საბჭოს თავმჯდომარე, შემდეგ კი, ამავე ფონდის გენერალური დირექტორია.
2008 წლიდან იგი სადაზღვევო კომპანია “აი სი ჯგუფში” სახელმწიფო პროგრამის კოორდინატორად მუშაობს.
ზაზა სოფრომაძე 1995 წლის მოწვევის პარლამენტის წევრი იყო და სოციალური დაცვის და შრომითი ურთიერთობების ქვეკომიტეტს თავმჯდომარეობდა.
