„დემოკრატიული მოძრაობა“ იზიარებს საქართველოს საპატრიარქოს გულისწყრომას იმის თაობაზე, რომ საქართველოს ხელისუფლების მხრიდან იგნორირებული იქნა საქართველოს საპატრიარქოს მოთხოვნა ჩართული ყოფილიყო საქართველოსა და თურქეთის სახელმწიფოებს შორის მოლაპარაკებებში, მისი კომპეტენციის ფარგლებში შემავალ საკითხებზე.
ვთვლით, რომ საქართველოს საპატრიარქოს აღნიშნული მოთხოვნა არა მარტო კანონიერია, არამედ ლოგიკურია და სწორედ, რომ გონივრული იქნებოდა საქართველოს ხელისუფლებას გაეთვალისწინებინა საპატრიარქოს მრავალჯერადი თხოვნა და ასევე რჩევა, რომ თურქეთის ტერიტორიაზე მდებარე ქართული ისტორიული ძეგლების გადარჩენის საკითხი იუნესკოს გააქტიურებით გაგრძელებულიყო.
“დემოკრატიული მოძრაობა ერთიანი საქართველო” გმობს და დიქტატურისკენ გადადგმულ სერიოზულ ნაბიჯად აფასებს საკანონმდებლო ცვლილებებს, რომლის თანახმადაც მოსამართლეებისთვის კანონის, მათ შორის კონსტიტუციის დარღვევა დისციპლინარულ გადაცდომად აღარ ჩაითვლება.
“დემოკრატიული მოძრაობის” პრესსამსახური ეხმიანება “ხალხის პარტიის” ლიდერის კობა დავითაშვილის ბოლოდროინდელ განცხადებებს იმასთან დაკავშირებით, რომ ინიციატივა, რომლის თანახმადაც ხელისუფლების შეცვლის შემთხვევაში ყველა იმ სახელმწიფო მოხელეს, რომელსაც სისხლის სამართლის დანაშაული არ ჩაუდენია არც სამსახურის დაკარგვა ემუქრება და არც პოლიტიკური ზეწოლა _ თითქოსდა ოპოზიციის მხრიდან საზოგადოებისთვის შეთავაზებული სიახლე იყოს.
"დემოკრატიული მოძრაობა" ყოფილი პრემიერ-მინისტრის ზურაბ ჟვანიას გარდაცვალებასთან დაკავშირებით გამოძიების მასალების განსაჯაროებას კიდევ ერთხელ მოითხოვს.
ა.წ. 28 იანვარს, მაშინ, როდესაც რამდენიმე ახალგაზრდული ორგანიზაციის წარმომადგენელი პარლამენტის შენობის მიმდებარე ტერიტორიაზე მშვიდობიან აქციას მართავდა სანდრო გირგვლიანის მკვლელობის 6 წლისთავთან დაკავშირებით და აყენებდა კანონიერ მოთხოვნას, რომ ხელისუფლებამ დაუყოვნებლივ დაიწყოს ევროსასამართლოს გადაწყვეტილების შესრულება, ჩატარდეს ობიექტური გამოძიება სანდრო გირგვლიანის მკვლელობასთან დაკავშირებით და დაისაჯოს ყველა დამნაშავე, ძალოვანმა უწყებებმა პრაქტიკულად მობილიზაცია გამოაცხადეს და აქციის მონაწილე რამდენიმე ახალგაზრდის დასაკავებლად პარლამენტის წინ პატრულის ათეულობით თანამშრომშრომელი მივიდა, აქცია დაშალა და მიუხედავად იმისა, რომ აქციის მონაწილეებს პოლიციისათვის წინააღმდეგობა არ გაუწევიათ, ისინი მაინც დააკავეს. "დემოკრატიული მოძრაობა" აპროტესტებს სამართალდამცავების მიერ მშვიდობიანი აქციის მონაწილეების უკანონო დაკავებას და მათ დაუყოვნებლივ გათავისუფლებას მოითხოვს.
