"დემოკრატიული მოძრაობა" ყოფილი პრემიერ-მინისტრის ზურაბ ჟვანიას გარდაცვალებასთან დაკავშირებით გამოძიების მასალების განსაჯაროებას კიდევ ერთხელ მოითხოვს.
"3 თებერვალი საქართველოს ყოფილი პრემიერ-მინისტრის, "ვარდების რევოლუციის" ერთ-ერთი ლიდერის ზურაბ ჟვანიას გარდაცვალების დღეა. "დემოკრატიული მოძრაობა" კიდევ ერთხელ აღნიშნავს, რომ ზურაბ ჟვანიას გარდაცვალებით თანამედროვე ქართულმა პოლიტიკამ დიდი დანაკლისი განიცადა. ყოფილი პრემიერის გარდაცვალების ოფიციალურ ვერსიასთან დაკავშირებით საზოგადოების უნდობლობის ხარისხი დღესაც მაღალია. "დემოკრატიული მოძრაობის" მთავარი საბჭო კიდევ ერთხელ ხაზს უსვამს, რომ საზოგადოებას უფლება აქვს, სახელმწიფოს ერთ-ერთი ხელმძღვანელისა და უმაღლესი თანამდებობის პირის გარდაცვალებასთან დაკავშირებით სრული სიმართლე იცოდეს", - აცხადებს "დემოკრატიული მოძრაობა".
შეგახსენებთ, რომ დღეს ზურაბ ჟვანიას გარდაცვალებიდან 7 წელი შესრულდა.
