- ქალბატონო ნინო, თქვენ 26 მაისს გეგმავდით აქციის ჩატარებას ფილარმონიაში, მოგვიანებით კი გადაიფიქრეთ, ამის მიზეზად ბიძინა ივანიშვილის პარტიის მიერ დაგეგმილი აქცია დაასახელეთ. რატომ გახდა „ქართული ოცნების“ მიერ დაგეგმილი აქცია, თქვენი ღონისძიებების გაუქმების მიზეზი?

- თავიდანვე ცნობილი იყო, რომ ჩვენ 26 მაისს აუცილებლად აღვნიშნავდით, ვინაიდან ერთი წელი გადის იმ ტრაგიკული მოვლენებიდან, როცა რუსთაველის გამზირზე ხელისუფლებამ დაარბია და სადამსჯელო ღონისძიებები ჩატარა სახალხო კრების მხარდამჭერების წინააღმდეგ. აქამდე ძნელი წარმოსადგენი იყო ის, რომ დამოუკიდებელი საქართველოს ხელისუფლება უფრო სასტიკად მოეპყრობოდა საკუთარ ხალხს, ვიდრე ეს ლებედმა და როდიონოვმა 1989 წლის 9 აპრილს გააკეთა.

პრეზიდენტ სააკაშვილს თავისი განცხადებებით არაერთხელ გაუკვირვებია ერი. 2 მაისს ქუთაისში მისი გამოსვლა ამ მხრივ გამორჩეული იყო. ქვეყნის პირველი პირის განცხადებებმა ოპოზიციას სალაპარაკო გაუჩინა.ოპოზიციასთან ერთად შეფასებები არც ექსპერტთა გარკვეულმა ნაწილმა დაიშურა. მათი აზრით სააკაშვილმა აფხაზებს და ქართველებს შეურაცხყოფა მიაყენა. მათივე თქმით, პრეზიდენტმა მტრის წისქვილზე დაასხა წყალი, რაკი თქვა, რომ სოხუმი საქართველოს შემადგენლობაში არ ყოფილა.

-საქართველოში სტუდენტები ძალიან მძიმე მდგომარეობაში აღმოჩნდნენ. ყველამ კარგად იცის, რომ თანხის გადაუხდელობის გამო 10 ათას ახალგაზრდას სტუდენტის სტატუსი შეუჩერდა. მათი პრობლემის გადაჭრის მოთხოვნით სხვადასხვა პარტიები გამოვიდნენ, განცხადება გავაკეთეთ ჩვენც. საქმეში სტუდენტური ორგანიზაციებიც ჩავერთეთ.  ცოტა ხნის წინ, ტექნიკური უნივერსიტეტის ადმინისტრაციულ კორპუსთან სტუდენტებმა შიმშილობის აქცია დაიწყეს. სამართალდამცავებმა აქციის მონაწილეებს სიტყვიერი შეურაცხყოფა მიაყენეს და აქციის დაშლა მოგვთხოვეს იმ მიზეზით, რომ თითქოსდა ეს აქცია ლექციების ჩატარებას უშლიდა ხელს. არადა, ეს არ იყო მართალი.

-ქალბატონო ნინო, 26 მაისი ახლოვდება და ყველას აინტერესებს, რას აპირებს ,,სახალხო კრება” რას აპირებთ თქვენ და თქვენი პოლიტიკური პარტია, როგორ შეხვდებით ხელისუფლების მიერ რუსთაველის გამზისრზე მოწყობილ ხოცვა-ჟლეტის წლისთავს?

-ჩვენთვის ემოციურად ძალიან მძიმეა შარშანდელი 26 მაისის გახსენება, მაგრამ ერთი რამ დანამდვილებით შემიძლია გითხრათ: ყველა ის ადამიანი, ვინც შარშან, 21-დან 26 მაისამდე, სახალხო კრებასთან ერთად იბრძოდა საკუთარი ღირსებისა და ქვეყნის მომავლის დასაცავად, უდიდეს პატივისცემას იმსახურებს!

2011 წლის 26 მაისს ჩვენ ხელისუფლება ფიზიკურად მოგვერია, მაგრამ მორალურად, პოლიტიკურად და იდეოლოგიურად თვითონ დამარცხდა! ჩვენ დავამტკიცეთ, რომ ეროვნული და სახელმწიფოებრივი ფასეულობებისათვის მებრძოლი ძალა ვართ!

-სამთავრობო ტელევიზიებმა მგზავრის მიერ გადაღებული ვიდეო ჩანაწერი გვაჩვენეს, სადაც ცნობისმოყვარე მგზავრმა დაადგინა, რომ თქვენი მეუღლე - ბადრი ბიწაძე, მიუნხენის აეროპორტიდან მოსკოვში მიფრინავდა. მაშ ასე:  რამდენად რეალურია ეს ინფორმაცია და მიფრინავდა თუ არა მოსკოვში ბადრი ბიწაძე?

- ეს არის ტყუილი. იმდენჯერ ვყოფილვართ მეც და ჩემი მეუღლეც უცხოეთში, როცა ხელისუფლებაში ვიყავი. უამრავი კადრი შეიძლება არსებობდეს მსოფლიოს ნებისმიერი ქვეყნის აეროპორტში ჩემი ან ჩემი მეუღლის. ზუსტად შემიძლია გითხრათ, რომ 22 აპრილს ნამდვილად არ ყოფილა ბადრი ბიწაძე მიუნხენის აეროპორტში, ასევე დაზუსტებით შემიძლია გითხრათ, რომ ნამდვილად არ მიფრინავდა მოსკოვში. ვერ გეტყვით ვის დასჭირდა და რისთვის, მაგრამ მიმაჩნია, რომ ამ თემაზე არც ღირს საუბარი.

-აღდგომის დღესასწაულთან დაკავშირებით, დევნილებს არაერთი პრობლემა შეექმნათ. სამწუხაროდ, დიდ ნაწილს ახალგორში გადასვლის შესაძლებლობა არ მიეცა. არადა, მოგეხსენებათ, ქართველისათვის რამდენად მნიშვნელოვანია ახლობლის საფლავზე გასვლა, განსაკუთრებით, აღდგომის დღეებში. გარდა ამისა, წეროვანში ჩასახლებულ დევნილებს არ მიეწოდებათ შუქი და გაზი იმ მარტივი მიზეზით, რომ რომ გაზრდილ კომონალურ გადასახადებს ვერ იხდიან. ფაქტიურად ქრისტიანულ დღესასწაულს დევნილები ბნელ ოთახებში ხვდებიან.